Mugikortasun iraunkorra
“Munduari kalte egingo ez dion mugikortasun eredua ezartzea aurre egin behar diogun erronka handienetarikoa da“
HAIZEA -ko langileok lekualdatze ereduetan aldaketak ezartzen ekarpena egin nahi izan dugu betidanik. Horregatik, egunero egiten ditugun lekualdatzeak ahalik eta jasangarrienak izan daitezen saiatzen gara eta lanak hartzen digun denbora zati handia gizartean mugikortasun jasangarriaren kontzeptua hedatzeari eskaintzen diogu.
Maiz askotan ETT Consultores de Ingeniería Transporte y Urbanismo izan dugu bide lagun zeregin honetan, bera izan baita gure lankide nagusiena eremu tekniko honetan eskaini ditugun zerbitzuetan.
HAIZEA-ETT tandemaren fruitu dira ondoko arloetan eskaintzen ditugun zerbitzuak:
- Garraio kolektiboa
- Hiri mugikortasun iraunkorra
- Intermodalitatea
- Azpiegituren exekuziorako proiektuak
+ ETT -ri buruzETT -ren laguntzarekin proiektu desberdinak landu ditugu azken urteetan Euskadin, ondokoak besteak beste:
- Irun eta Andoaingo Mugikortasun Iraunkorreko Planak
- Andoaingo herri barneko garraio publikoari buruzko azterlana
- Donostialdea Mendebaldeako emakida-eredua moldatzea errepide bidezko bidaiarien herriarteko garraio publiko erregular eta erabilera orokorreko zerbitzuen lizitaziorako (Gipuzkoako Foru Aldundirako egina)
“Bizikletaren erabilerak ez du soilik hirietako ingurumena hobetzen. Herritarrentzako kalitatezko espazio publikoak ere berreskuratzen dira, eta pertsonei gozamena eta osasuna ekartzen digu.”
HAIZEA -n bizikletak etorkizuneko hiri mugikortasunaren gako elementu izan behar duela jakitun gara eta beraren sustapenerako gure ekarpena egin nahi dugu.
Xede horrekin, eta BAIBIKE enpresaren ezagutza adituarekin, eta baita ETT eta HORREGATIK KOMUNIKAZIOA -ren laguntzarekin ere, hainbat produktu diseinatu ditugu tokiko entitateei nahiz lan eta ikas zentro handiei zuzendurikoak, zure eskura ipintzen ditugunak:
- Bizikletaren inguruko topagune eta informazio puntuen antolaketa
- Bizikletaren ezagutzarako ikastaroak
- Gizartean bizikletaren erabilera hedatzen lagunduko duten eragileak ahalduntzeko ikastaroak
- Bizikletazkoentzako ibilbide ziurren diseinua
- Bizikletaren sustapenerako ekintzak antolatzeko laguntza logistiko eta komunikaziozkoa